11 November 2025 GPSC Current Affairs

Important 11 November 2025 GPSC Current Affairs

રાષ્ટ્રીય શિક્ષણ દિવસ : 11 નવેમ્બર

રાષ્ટ્રીય શિક્ષણ દિવસ દર વર્ષે 11 નવેમ્બરના રોજ ઉજવવામાં આવે છે. આ દિવસ ભારતના મહાન સ્વાતંત્ર્ય સેનાની, પ્રખ્યાત શિક્ષણવિદ અને સ્વતંત્ર ભારતના પ્રથમ શિક્ષણ મંત્રી અને ભારત રત્ન પુરસ્કારથી સમ્માનિત મૌલાના અબુલ કલામ આઝાદના જન્મદિનની યાદમાં ઉજવવામાં આવે છે. ભારતમાં શિક્ષણના વિકાસમાં મહત્વની ભૂમિકા ભજવનાર મૌલાના અબુલ કલામ આઝાદનો જન્મ 11 નવેમ્બર, 1888માં થયો હતો. કાયદેસર રીતે રાષ્ટ્રીય શિક્ષણ દિવસની ઉજવણીની શરૂઆત 11 નવેમ્બર, 2008થી શરૂ કરવામાં આવી છે.

મૌલાના અબુલ કલામ આઝાદ | 11 November 2025 GPSC Current Affairs

• જન્મ : 11 નવેમ્બર 1888
• મૃત્યુ : 22 ફેબ્રુઆરી 1958
• તેમણે પ્રારંભિક શિક્ષણ ઇસ્લામિક પદ્ધતિઓ દ્વારા મેળવ્યું હતું. તેમને ઘરે અથવા મસ્જિદમાં તેમના પિતા દ્વારા અને બાદમાં અન્ય વિદ્વાનો દ્વારા શીખવવામાં આવ્યું હતું. ઇસ્લામિક શિક્ષણ ઉપરાંત, તેમણે અન્ય ગુરુઓ પાસેથી તત્વજ્ઞાન, ઇતિહાસ અને ગણિતનું શિક્ષણ પણ મેળવ્યું હતું. આઝાદે ઉર્દૂ, ફારસી, હિન્દી, અરબી અને અંગ્રેજી ભાષાઓમાં નિપુણતા મેળવી હતી.
• તેમણે 1912માં ઉર્દૂ મેગેઝિન અલ હિલાલ શરૂ કર્યું. તેમનો ઉદ્દેશ્ય મુસ્લિમ યુવાનોને ક્રાંતિકારી ચળવળો તરફ પ્રોત્સાહિત કરવાનો અને હિંદુ-મુસ્લિમ એકતા પર ભાર આપવાનો હતો.
• તેમને ભારતનું સર્વોચ્ચ નાગરિક સન્માન ભારતરત્ન (મરણોત્તર) 1992માં આપવામાં આવ્યું હતુ.

National Current Affairs 11 November 2025

ભારત અને ન્યુઝીલેન્ડે વેપાર, સેવાઓ અને સહયોગ પર ધ્યાન કેન્દ્રિત કરીને FTA વાટાઘાટોનો ચોથો રાઉન્ડ પૂર્ણ કર્યો

વાટાઘાટો : ભારત અને ન્યુઝીલેન્ડે પાંચ દિવસની ઉત્પાદક ચર્ચાઓ પછી મુક્ત વેપાર કરાર (FTA) પર વાટાઘાટોનો ચોથો રાઉન્ડ પૂર્ણ કર્યો છે. વાટાઘાટો માલ અને સેવાઓમાં વેપાર, આર્થિક સહયોગ અને મૂળના નિયમો જેવા મુખ્ય ક્ષેત્રો પર કેન્દ્રિત હતી.

કરાર : આ કરાર વેપારને વેગ આપવા, રોકાણ આકર્ષવા, સપ્લાય ચેઇનને મજબૂત બનાવવામાં અને બંને દેશોમાં વ્યવસાયો માટે વધુ સારી બજાર પહોંચ પૂરી પાડવામાં મદદ કરશે. પ્રસ્તાવિત FTA કૃષિ, ખાદ્ય પ્રક્રિયા, નવીનીકરણીય ઉર્જા, ફાર્માસ્યુટિકલ્સ, શિક્ષણ અને સેવાઓ જેવા ક્ષેત્રોમાં નવી તકો ખોલવાની અપેક્ષા છે.

ભારતનું આદિવાસી સ્વતંત્રતા સેનાનીઓનું પ્રથમ ડિજિટલ સંગ્રહાલય | Current Affairs 11 November 2025

ઉદ્ઘાટન : પ્રધાનમંત્રી નરેન્દ્ર મોદીએ નવા રાયપુર, અટલ નગર, છત્તીસગઢ ખાતે ભારતના પ્રથમ ડિજિટલ આદિવાસી સ્વતંત્રતા સેનાનીઓના સંગ્રહાલયનું ઉદ્ઘાટન કર્યું.

સુવિધા : શહીદ વીર નારાયણ સિંહ સ્મારક અને આદિવાસી સ્વતંત્રતા સેનાની સંગ્રહાલય નામ આપવામાં આવ્યું છે, આ સુવિધા 10 એકર જમીનમાં 50 કરોડ રૂપિયાના ખર્ચે બનાવવામાં આવી છે.

આસામમાં બહુપત્નીત્વ પ્રથા પર પ્રતિબંધ મુકતું બિલ પસાર

બિલ : આસામમાં બહુપત્નીત્વ પ્રથા પર પ્રતિબંધ મુકતું એક બિલ પસાર કરવામાં આવ્યું છે.

સજા : દોષિતોને સાત વર્ષ સુધીની આકરી સજાનો સામનો કરવો પડશે.

ભંડોળ : સરકાર બહુપત્નીત્વનો ભોગ બનેલી મહિલાઓને વળતર આપવા માટે એક નવું ભંડોળ પણ બનાવશે.

IIT ગાંધીનગર ખાતે શૈક્ષણિક C-DOT કેન્દ્રની સ્થાપના

સમજૂતી કરાર : IIT ગાંધીનગર (IITGN) અને સેન્ટર ફોર ડેવલપમેન્ટ ઓફ ટેલિમેટિક્સ (C-DOT)એ તેમની ભાગીદારીને ઔપચારિક બનાવવા અને IITGN ખાતે એક શૈક્ષણિક C-DOT સંશોધન અને નવીનતા કેન્દ્ર સ્થાપિત કરવા માટે સમજૂતી કરાર (MoU) પર હસ્તાક્ષર કર્યા.

યોગદાન : આ કેન્દ્ર મૂળભૂત અને હાલના સંશોધન માટે એક કેન્દ્ર તરીકે સેવા આપશે અને ટેલિકોમ્યુનિકેશન અને ICT ક્ષેત્રોમાં શ્રેષ્ઠતા મેળવવાનો પ્રયાસ કરશે.

ગુજરાત આદિવાસી સમુદાયના સ્વાસ્થ્ય માટે જીનોમ સિક્વન્સિંગ પ્રોજેક્ટ શરૂ કરનાર ભારતનું પ્રથમ રાજ્ય | 11 November 2025 GPSC Current Affairs

પ્રથમ રાજ્ય : મુખ્યમંત્રી શ્રી ભૂપેન્દ્ર પટેલના નેતૃત્વમાં ગુજરાત ભારતનું એવું પ્રથમ રાજ્ય બન્યું છે જેણે ખાસ આદિવાસી સમુદાયો માટે મોટા પાયે જીનોમ સિક્વન્સિંગ પ્રોજેક્ટ શરૂ કર્યો છે. ગુજરાત બાયોટેક્નોલૉજી રિસર્ચ સેન્ટર (GBRC)ના નેતૃત્વ હેઠળ આ પ્રોજેક્ટ આદિવાસી સમુદાયોના આનુવંશિક બંધારણનો અભ્યાસ કરીને રોગના પરીક્ષણ, સારવાર અને આરોગ્યસંભાળ પર ધ્યાન કેન્દ્રિત કરે છે.

ડેટાબેઝ : ગુજરાતમાં જીનોમ સિક્વન્સિંગ પ્રોજેક્ટ હેઠળ સંશોધકો 11 જિલ્લાઓના 31 આદિવાસી સમુદાયોમાંથી ડીએનએ નમૂનાઓ એકત્રિત કરીને એક ડેટાબેઝ બનાવી રહ્યા છે.

જીનોમ : શરીરના કોષોની અંદર રહેલી આનુવંશિક સામગ્રીને જીનોમ કહેવામાં આવે છે. કોષની અંદર જનીનનું ચોક્કસ સ્થાન અને તેની રચનાને સમજવા માટે જીનોમ સિક્વન્સિંગ કરવામાં આવે છે. આ જીનોમમાં થતા ફેરફારો વિશે જણાવે છે.

Science and Education | 11 November 2025 GPSC Current Affairs

ભારતમાં કમ્પ્યુટર સાયન્સ શિક્ષણના ‘પિતામહ’ પ્રો. રાજારામનનું 92 વર્ષે નિધન

નિધન : ભારતમાં કમ્પ્યુટર સાયન્સ શિક્ષણના ‘પિતામહ’ તરીકે પ્રખ્યાત પ્રોફેસર વૈદ્યેસ્વરન રાજારામનનું 92 વર્ષની વયે ટાટાનગર ખાતે નિધન થઈ ગયું હતું.

કારકિર્દી : રાજારામન 1982થી 1994 સુધી ઈન્ડિયન ઈન્સ્ટિટયુટ ઓફ સાયન્સમાં સુપર કમ્પ્યુટર એજ્યુકેશન અને રિસર્ચ સેન્ટર (આઈઆઈએસી)માં સુપર કમ્પ્યુટર એજ્યુકેશન અને રિસર્ચ સેન્ટરના અધ્યક્ષ તરીકે કામ કર્યું છે. વિ. રાજારમને ભારતની સુપરકમ્પ્યુટિંગ અને સમાનાનંતર કમ્પ્યુટિંગ ક્ષમતાઓ માટે કામ કર્યું હતું. તેઓ 1987માં તત્કાલિન વડાપ્રધાન રાજીવ ગાંધીની સલાહકાર પરિષદ દ્વારા રચાયેલી સમિતિનું અધ્યક્ષપદ પણ સંભાળ્યું હતું. આ સિવાય તેમણે ૧૯૮૭માં વડાપ્રધાનની જાહેરાત સલાહકાર પરિષ્દે રચાયેલી સમિતિનું અધ્યક્ષપદ કર્યું.

એવોર્ડ : દેશમાં ટેક્નોલોજી શિક્ષણને નવી ક્રાંતિ મારફત નોંધપાત્ર યોગદાન બદલ તેમને 1976માં શાંતિ સ્વરૂપ ભટનાગર પ્રાઈઝ અને 1998માં પદ્મભૂષણ એનાયત થયા હતા.

માધવપુર બીચ પર ભારતીય સેનાની ત્રણેય પાંખોની ત્રિ-સેવા કવાયત યોજાશે

ઉદ્દેશ્ય : ભારતીય સેનાની ત્રણેય પાંખો (જમીન, હવા અને નૌકાદળ) વચ્ચે સંયુક્ત કામગીરીમાં સુમેળ વધારવાના ઉદ્દેશ્ય સાથે ત્રિ-સેવા કવાયત (Tri-Service Exercise – TSE) ૨૦૨૫નું આયોજન ૧૨ અને ૧૩ નવેમ્બર ૨૦૨૫ના રોજ પોરબંદર જિલ્લાના પ્રસિદ્ધ માધવપુર બીચ પર કરવામાં આવ્યું છે.

Sports Current Affairs 11 November 2025

અભિષેક શર્માએ T20 માં સૌથી ઓછા બોલમાં 1000 રન કરી રેકોર્ડ બનાવ્યો

વર્લ્ડ રેકોર્ડ : ભારતીય ટીમના ઓપનિંગ બેટ્સમેન અભિષેક શર્માએ બ્રિસ્બેનના ગાબા સ્ટેડિયમ ખાતે ઓસ્ટ્રેલિયા સામે રમાઈ રહેલી શ્રેણીની 5મી T20 મેચમાં પોતાના 1000 T20 આંતરરાષ્ટ્રીય રન પૂરા કરીને વર્લ્ડ રેકોર્ડ બનાવ્યો છે.

ટી20 આંતરરાષ્ટ્રીય મેચોમાં સૌથી ઓછા બોલમાં 1000 રન પૂર્ણ કરનારા ખેલાડીઓ

1. અભિષેક શર્મા (ભારત) – 528 બોલ
2. ટિમ ડેવિડ (ઓસ્ટ્રેલિયા) – 569 બોલ
3. સૂર્યકુમાર યાદવ (ભારત) – 573 બોલ
4. ફિલ સોલ્ટ (ઇંગ્લેન્ડ) – 599 બોલ

ISSF વર્લ્ડ ચેમ્પિયનશિપમાં મેડલ જીતનાર ભારતના અનિશ ભાનવાલા પ્રથમ વ્યક્તિગત પિસ્તોલ શૂટર બન્યા | 11 November 2025 GPSC Current Affairs

રજત પદક : ભારતના અનિશ ભાનવાલાએ ઇજિપ્તના કૈરો ખાતે પુરુષોની 25-મીટર રેપિડ ફાયર પિસ્તોલ ઇવેન્ટમાં રજત પદક જીતીને ISSF વર્લ્ડ ચેમ્પિયનશિપમાં ઇતિહાસ રચ્યો.

પ્રથમ ભારતીય : આ નોંધપાત્ર પ્રદર્શન તેને ઓલિમ્પિક ઇવેન્ટમાં વર્લ્ડ ચેમ્પિયનશિપ મેડલ જીતનાર પ્રથમ ભારતીય વ્યક્તિગત પિસ્તોલ શૂટર બનાવે છે.

ભારતે વિશ્વના નંબર 1 આર્જેન્ટિનાને હરાવીને 2025 કોગ્નીવેરા ઇન્ટરનેશનલ પોલો કપ જીત્યો

નંબર 1 : ભારતે જયપુર પોલો ગ્રાઉન્ડ ખાતે 2025 કોગનીવેરા ઇન્ટરનેશનલ પોલો કપ ફાઇનલમાં વિશ્વના નંબર 1 આર્જેન્ટિનાને 10-9 થી હરાવ્યું.

નેતૃત્વ : સવાઈ પદ્મનાભ સિંહ અને કેપ્ટન સિમરન સિંહ શેરગિલ