Current Affairs Gujarati 01 October 2025 | Best for GPSC
Current Affairs Gujarati 01 October 2025 | Best for GPSCToday’s Current Affairs Gujarati 01 October 2025
મહત્વપૂર્ણ દિવસો કરંટ અફેર્સ ગુજરાતી | Current Affairs Gujarati 01 October 2025
આંતરરાષ્ટ્રીય કોફી દિવસ : 01 ઓક્ટોબર | Today’s current affairs for GPSC
આંતરરાષ્ટ્રીય કોફી દિવસ (International Coffee Day) દર વર્ષે 1 ઓક્ટોબરના રોજ ઉજવાય છે. ઈન્ટરનેશનલ કોફી ઓર્ગેનાઈઝેશને 2015માં ઈટાલીના મિલાનમાં પ્રથમ વિશ્વ કોફી દિવસનું આયોજન કર્યું હતું. વર્ષ 2014માં આંતરરાષ્ટ્રીય કોફી સંગઠને દર વર્ષે 1 ઓક્ટોબરના રોજ આંતરરાષ્ટ્રીય કોફી દિવસ ઉજવવાનું નક્કી કર્યું હતું. આ દિવસ વિશ્વભરમાં કોફીના ખેડૂતોના પ્રશ્નો અંગે જાગૃતિ લાવવા માટે પણ ઉજવવામાં આવે છે.
ભારતમાં કોફીના સૌથી મોટી ઉત્પાદક રાજ્ય કર્ણાટક(71 ટકા), કેરલ(21 ટકા) અને તમિલનાડુ(5 ટકા) છે.
ભારત વિશ્વનો 6ઠ્ઠો સૌથી મોટો કોફી ઉત્પાદક દેશ છે. ભારત વિશ્વના કુલ 4 ટકા કોફીનું ઉત્પાદન કરે છે.
વિશ્વમાં કોફીનું સૌથી વધુ ઉત્પાદન બ્રાઝીલ, વિયતનામ, કોલંબિયા, ઇન્ડોનેશિયા અને ઇથિયોપિયા દ્વારા કરવામાં આવે છે.
ભારતીય કોફી વિશ્વભરમાં સૌથી શ્રેષ્ઠ ગુણવત્તાવાળી કોફી માનવામાં આવે છે, કારણે ભારતમાં કોફી છાંયામાં ઉગાડવામાં આવે છે. જ્યારે વિશ્વના અન્ય ભાગોમાં કોફી સીધી સૂર્ય પ્રકાશમાં ઉગાડવામાં આવે છે.
રાષ્ટ્રીય સ્વૈચ્છિક રક્તદાન દિવસ : 01 ઓક્ટોબર | Today’s current affairs for GPSC
રાષ્ટ્રીય સ્વૈચ્છિક રક્તદાન દિવસ (national voluntary blood donation day) દર વર્ષે 1 ઓક્ટોબરના રોજ ઉજવવામાં આવે છે. જ્યારે કોઈ વ્યક્તિ કોઈપણ આર્થિક લાભ વગરની લાલચ કે અપેક્ષા વગર સ્વેચ્છાએ રક્તદાન કરે છે તેને સ્વૈચ્છિક રક્તદાન કહેવામાં આવે છે. સ્વૈચ્છિક રક્તદાન અંગે લોકોમાં જાગૃતિ લાવવા અને રક્તદાન સંબંધિત ખોટી માન્યતાઓ દૂર કરવા માટે રાષ્ટ્રીય સ્વૈચ્છિક રક્તદાન દિવસની ઉજવણી કરવામાં આવે છે. એક બ્લડ યુનિટમાં 350 મિલિગ્રામ લોહી લેવામાં આવે છે. એક સ્વસ્થ પુખ્ત વયના વ્યક્તિના શરીરમાં આ આશરે 4,500 થી 5,700 ML જેટલું લોહી હોય છે.
વિશ્વ રક્તદાતા દિવસ દર વર્ષે 14 જૂને મનાવવામાં આવે છે.
આંતરરાષ્ટ્રીય વૃદ્ધજન દિવસ : 01 ઓક્ટોબર | Today’s current affairs for GPSC
આંતરરાષ્ટ્રીય વૃદ્ધજન દિવસ (International Day Of Older Persons) દર વર્ષે 1 ઓક્ટોબરના રોજ ઉજવવામાં આવે છે. વૃદ્ધ લોકો પ્રત્યે સામાજિક સદભાવના, લોકોમાં જાગૃતિ લાવવા માટે ઉજવવામાં આવે છે જેથી સમગ્ર વિશ્વમાં વૃદ્ધો પ્રત્યે દુર્વ્યવહાર, ભેદભાવ, ઉપેક્ષા અને અન્યાય બંધ થઈ શકે. આ દિવસે આપણા વરિષ્ઠ નાગરિકોનું સન્માન કરવું અને તેમના વિશે વિચારવું જરૂરી છે. વૃદ્ધ સમાજને આ દુ:ખ અને હતાશામાંથી મુક્તિ અપાવવાની આજની સૌથી મોટી જરૂરિયાત છે.
સંયુક્ત રાષ્ટ્ર મહાસભાએ 14 ઑક્ટોબર, 1990ના વૃદ્ધ વ્યક્તિઓ માટે આંતરરાષ્ટ્રીય દિવસના રૂપમાં 1 ઑક્ટોબર નક્કી કરવામાં આવ્યું હતું.
ભારતના 14મા રાષ્ટ્રપતિ રામનાથ કોવિંદની જન્મતિથી : 01 ઓક્ટોબર | Today’s current affairs for GPSC
જન્મ : 01 ઓક્ટોબર, 1945
તેમનો જન્મ ઉત્તર પ્રદેશ રાજ્યના કાનપુર દેહાત જિલ્લાના ગામ પરૌંખમાં થયો હતો. તેમના પિતા મૈકૂ લાલ ગામમાં વૈદ્ય તરીકે સેવા કરતા હતા. તેમણે કાનપુર વિશ્વવિદ્યાલયમાંથી વાણિજ્યમાં સ્નાતક (બી.કોમ.)ની પદવી અને પછી કાયદાવિદ્ (એલ.એલ.બી.)ની પદવી મેળવેલી છે.
સિવિલ સેવાઓની પરીક્ષા ત્રીજા પ્રયાસે પરીક્ષા પાસ કરી, પણ તેઓની પસંદગી આઈ.એ.એસ. સેવાને બદલે અન્ય સેવાઓમાં થઈ આથી તેઓ સિવિલ સેવામાં જોડાયા નહિ. તેને બદલે તેઓએ વકીલ તરીકેની કારકિર્દી શરૂ કરી.
તેઓએ 1993 સુધી, લગભગ 16 વર્ષ, દિલ્હી ઉચ્ચ ન્યાયાલય અને સર્વોચ્ચ ન્યાયાલયમાં વકીલ તરીકે કામ કર્યું. વકીલ તરીકે તેઓએ નવી દિલ્હીના ‘મહિલાઓ અને ગરીબોને નિઃશુલ્ક કાનૂની સેવા મંડળ’ દ્વારા સમાજનાં પછાત વર્ગને નિઃશુલ્ક કાનૂની સેવાઓ પૂરી પાડી હતી.
તેઓ એપ્રિલ 1994માં ઉત્તર પ્રદેશ રાજ્યમાંથી રાજ્ય સભાના સભ્ય તરીકે ચૂંટાયા હતા. તેઓએ સતત બે મુદત સુધી રાજ્ય સભાના સભ્ય તરીકે સેવાઓ આપી. સાંસદ તરીકે તેઓએ અનુસૂચિત જાતિ અને જનજાતિ કલ્યાણ, પેટ્રોલિયમ અને કુદરતી વાયુ, સામાજિક ન્યાય અને સશક્તિકરણ, કાનૂન અને ન્યાય, આંતરિક બાબતો જેવી સંસદીય સમિતિઓમાં સેવા આપી હતી. તેઓએ રાજ્ય સભા ગૃહ સમિતિના અધ્યક્ષ તરીકે પણ સેવા આપી હતી.
તેઓએ સંયુક્ત રાષ્ટ્રસંઘ ખાતે ભારતનું પ્રતિનિધિત્વ પણ કરેલું અને ઓક્ટોબર 2002માં સંયુક્ત રાષ્ટ્રસંઘની સામાન્ય સભાને સંબોધન પણ કરેલું.
8 ઓગસ્ટ, 2015ના રોજ કોવિંદને ભારતના રાષ્ટ્રપતિ દ્વારા બિહારના રાજ્યપાલ તરીકે નિયુક્ત કરાયા હતા.
તેઓ 2017ની ભારતના રાષ્ટ્રપતિ પદની ચૂંટણીમાં ચૂંટાયા હતા.
રાષ્ટ્રીય અને આંતરરાષ્ટ્રીય કરંટ અફેર્સ ગુજરાતી | Current Affairs Gujarati 01 October 2025
બિહારના ગોકુલ જળાશય અને ઉદયપુર તળાવને રામસર સ્થળો જાહેર કરવામાં આવ્યા | UPSC current affairs in gujarati
ભારતના બે વધુ જળપ્લાવિત વિસ્તારોને આંતરરાષ્ટ્રીય મહત્વના જળપ્લાવિત વિસ્તારો તરીકે રામસર કન્વેન્શન સ્થળોની વૈશ્વિક યાદીમાં સમાવવામાં આવ્યા છે. બે નવા ઉમેરાયેલા સ્થળોમાં બક્સર જિલ્લામાં ગોકુલ જળાશય અને પશ્ચિમ ચંપારણ જિલ્લામાં ઉદયપુર તળાવનો સમાવેશ થાય છે, જેનાથી બિહારમાં આવા જળપ્લાવિત વિસ્તારોની કુલ સંખ્યા પાંચ થઈ ગઈ છે.
આ સાથે, ભારતમાં આવી કુલ સાઇટ્સની સંખ્યા 93 પર પહોંચી ગઈ છે, જે દેશને રામસર સાઇટ્સની કુલ સંખ્યાની દ્રષ્ટિએ એશિયામાં ટોચ પર છે અને યુકે (176) અને મેક્સિકો (144) પછી વિશ્વમાં ત્રીજા સ્થાને છે.
રામસર સંમેલન
- આ એક આંતરરાષ્ટ્રીય સંધિ છે જે ૧૯૭૧માં ઈરાનના રામસરમાં હસ્તાક્ષરિત થઈ હતી, જેનો ઉદ્દેશ્ય આંતરરાષ્ટ્રીય મહત્વના જળપ્લાવિત વિસ્તારોના સંરક્ષણ અને સમજદારીપૂર્વક ઉપયોગ કરવાનો છે. ભારતમાં, તે ૧ ફેબ્રુઆરી, ૧૯૮૨ ના રોજ અમલમાં આવ્યું.
કાપડ મંત્રી પાબિત્રા માર્ગેરિટા મોસ્કોમાં ‘બેસ્ટ ઓફ ઈન્ડિયા’ મેળાનું ઉદ્ઘાટન કરશે | UPSC current affairs in gujarati
કેન્દ્રીય કાપડ રાજ્ય મંત્રી પાબિત્રા માર્ગેરિતા 1 ઓક્ટોબર થી 3 ઓક્ટોબર સુધી રશિયાના મોસ્કોની મુલાકાતે રહેશે. મંત્રી મોસ્કોમાં બેસ્ટ ઓફ ઇન્ડિયા – ઇન્ડિયન એપેરલ એન્ડ ટેક્સટાઇલ ફેરનું ઉદ્ઘાટન કરશે.
કે આ મેળો ભારતીય નિકાસકારો માટે રશિયા અને CIS બજારોમાં તેમની હાજરી વિસ્તારવા માટે એક વ્યૂહાત્મક પ્રવેશદ્વાર તરીકે સેવા આપશે. જે હાથશાળ અને હસ્તકલાથી લઈને ઘરના ફર્નિચર, કાર્પેટ, શણ, સફરજન અને વસ્ત્રો સુધીના ઉત્પાદનોનું પ્રદર્શન કરશે.
આ મુલાકાત દરમિયાન, મંત્રી રશિયન ફેડરેશનના ઉદ્યોગ અને વેપાર મંત્રાલય અને રશિયન કાપડ અને વસ્ત્ર ઉદ્યોગના ઉદ્યોગસાહસિક સંઘ સાથે દ્વિપક્ષીય બેઠક પણ કરશે.
કેનેડાએ બિશ્નોઈ ગેંગને આતંકવાદી સંસ્થા જાહેર કરી
કેનેડાએ બિશ્નોઈ ગેંગને ક્રિમિનલ કોડ હેઠળ આતંકવાદી સંસ્થા તરીકે સૂચિબદ્ધ કરી છે. બિશ્નોઈ ગેંગને આતંકવાદી સૂચિબદ્ધ કરવાનો અર્થ એ છે કે કેનેડામાં જૂથની માલિકીની કોઈપણ વસ્તુ, જેમાં મિલકત, વાહનોને કેનેડિયન કાયદા અમલીકરણ દ્વારા ફ્રિઝ અથવા જપ્ત કરી શકાય છે જેથી આતંકવાદી ગુનાઓ, જેમાં ધિરાણ, મુસાફરી અને ભરતી સંબંધિત ગુનાઓનો સમાવેશ થાય છે તેની સામે કાર્યવાહી કરી શકાય.
કેનેડામાં રહેતા કેટલાક ગેંગ સભ્યો વિદેશમાંથી જ ગેંગની તમામ ગતિવિધિઓ સંચાલિત કરે છે.
હવે કેનેડાના ક્રિમિનલ કોડ હેઠળ 88 આતંકવાદી સંસ્થાઓ સૂચિબદ્ધ છે.
RBIના નવા ડેપ્યુટી ગવર્નર પદે શિરીષ ચંદ્ર મૂર્મુની નિમણૂક | UPSC current affairs in gujarati
કેન્દ્ર સરકારે RBIના નવા ડેપ્યુટી ગવર્નર પદે શિરીષ ચંદ્ર મૂર્મુની નિમણૂક કરી છે, તેઓ આગામી ત્રણ વર્ષ સુધી આ પદ પર ફરજ નિભાવશે.
મૂર્મુ 9 ઓક્ટોબરથી ડેપ્યુટી ગવર્નર તરીકે ફરજ નિભાવશે. હાલ તેઓ રિઝર્વ બેન્ક ઓફ ઈન્ડિયાના એક્ઝિક્યુટીવ ડિરેક્ટર છે. હાલ રાજેશ્વર રાવ આરબીઆઈના ડેપ્યુટી ગવર્નર પદે કાર્યરત છે. તેમનો કાર્યકાળ 8 ઓક્ટોબરના રોજ પૂર્ણ થશે. તેઓ બેન્કિંગ રેગ્યુલેશન અને અન્ય પોર્ટફોલિયોનો ચાર્જ સંભાળી રહ્યા છે.
સેન્ટ્રલ બેન્કમાં કુલ ચાર ડેપ્યુટી ગવર્નર હોય છે. પ્રત્યેક ગવર્નર મોનેટરી પોલિસી, ફાઈનાન્સિયલ માર્કેટ રેગ્યુલેશન્સ, બેન્કિંગ સુપરવિઝન અને રેગ્યુલેશન્સ સહિતના ચાર ડિપાર્ટમેન્ટનો હવાલો સંભાળે છે.
ભારતે AIIA ગોવામાં પ્રથમ ઇન્ટિગ્રેટિવ ઓન્કોલોજી રિસર્ચ એન્ડ કેર સેન્ટર ખોલ્યું | UPSC current affairs in gujarati
૧૦મા રાષ્ટ્રીય આયુર્વેદ દિવસે, આયુષ મંત્રાલયે ગોવાના ધારગલમાં ઓલ ઈન્ડિયા ઇન્સ્ટિટ્યૂટ ઓફ આયુર્વેદ (AIIA) ખાતે ભારતના પ્રથમ ઇન્ટિગ્રેટિવ ઓન્કોલોજી રિસર્ચ એન્ડ કેર સેન્ટર (IORCC)નું ઉદ્ઘાટન કર્યું. આ અગ્રણી સુવિધા આયુર્વેદ, યોગ, પંચકર્મ અને આધુનિક ઓન્કોલોજીને એક જ છત નીચે જોડીને કેન્સર પુનર્વસનમાં ક્રાંતિ લાવવા માટે તૈયાર છે.
મહાત્મા મંદિર ગાંધીનગર ખાતે ડિજિટલ ઈન્ડિયા, જમીન વ્યવસ્થાપન અને આપત્તિ વ્યવસ્થાપન ઉપર નેશનલ કોન્ફરન્સ યોજાશે | GPSC current affairs
આગામી તા. ૩ અને ૪ ઓક્ટોબર, ૨૦૨૫ના રોજ ડિજિટલ ઈન્ડિયા, જમીન વ્યવસ્થાપન અને આપત્તિ વ્યવસ્થાપન ઉપર બે દિવસીય નેશનલ કોન્ફરન્સનું મહાત્મા મંદિર, ગાંધીનગર ખાતે આયોજન કરવામાં આવ્યું છે.
આ કોન્ફરન્સમાં ડિજિટલ ઇન્ડિયા લેન્ડ રેકોર્ડ મોર્ડર્નાઇઝેશન પ્રોગ્રામના લક્ષ્યો હાંસલ કરવા માટેના વિઝન, નોલેજ શેરિંગ અને કેપેસિટી બિલ્ડિંગ, બેસ્ટ પ્રેકટિસીસ, ઇનોવેશન કેસ સ્ટડી તથા પોલિસી સ્ટ્રકચર વગેરે મુદ્દાઓની ચર્ચા કરવામાં આવશે.
રમતગમત કરંટ અફેર્સ ગુજરાતી | Current Affairs Gujarati 01 October 2025
હિમાંશી ટોકસ જુનિયર વર્લ્ડ રેન્કિંગમાં ટોચ પર પહોંચનારી પ્રથમ ભારતીય જુડો ખેલાડી બની | GPSC current affairs
૨૦ વર્ષીય હિમાંશીએ જુનિયર મહિલા ૬૩ કિગ્રા વજન વર્ગમાં વિશ્વ નંબર ૧ રેન્કિંગ પ્રાપ્ત કરનાર પ્રથમ ભારતીય બની.
ઇન્ડોનેશિયામાં એશિયન જુનિયર ચેમ્પિયનશિપમાં ગોલ્ડ મેડલ જીતીને, હિમાંશીએ એશિયામાં નંબર 1 જુડોકાનું સ્થાન મેળવ્યું.
પોતાની કારકિર્દી દરમિયાન તેણે ત્રણ સ્પર્ધાઓમાં પાંચ ગોલ્ડ મેડલ જીત્યા છે – એક કોન્ટિનેન્ટલ ચેમ્પિયનશિપ, ત્રણ કોન્ટિનેન્ટલ કપ સ્પર્ધાઓ અને એક કોન્ટિનેન્ટલ ઓપન ચેમ્પિયનશિપ.
ઈંગ્લેન્ડના ઓલરાઉન્ડર ક્રિસ વોક્સે આંતરરાષ્ટ્રીય ક્રિકેટમાંથી નિવૃત્તિ લીધી
ઈંગ્લેન્ડના સીમ બોલિંગ ઓલરાઉન્ડર ક્રિસ વોક્સે આંતરરાષ્ટ્રીય ક્રિકેટમાંથી નિવૃત્તિની જાહેરાત કરી છે.
2011 માં ડેબ્યૂ.
62 ટેસ્ટ, 192 વિકેટ, 2,034 રન અને એક સદી. પોતાની ODI કારકિર્દીમાં તેણે 122 મેચ રમી, 173 વિકેટ લીધી અને 33 T20 માં તેણે 31 વિકેટ લીધી. ઇંગ્લેન્ડની 2019 ODI અને 2022 T20 વર્લ્ડ કપ જીતમાં મહત્વપૂર્ણ ભૂમિકા ભજવી.
રાજ્ય અને અન્ય કરંટ અફેર્સ ગુજરાતી | Current Affairs Gujarati 01 October 2025
‘રાજ્ય બાળ અધિકાર સંરક્ષણ આયોગ’ના ૧૩માં સ્થાપના દિવસની રાજ્યભરમાં ઉજવણી કરાઇ
‘ગુજરાત રાજ્ય બાળ અધિકાર સંરક્ષણ આયોગ’ના ૧૩માં સ્થાપના દિવસની તા. ૨૮ સપ્ટેમ્બર, ૨૦૨૫ના રોજ રાજ્યભરના તમામ બાળ સંભાળ ગૃહોમાં ઉત્સાહભેર ઉજવણી કરવામાં આવી હતી. આ પ્રસંગે બાળકોના સર્વાંગી વિકાસ, જાગૃતિ અને સર્જનાત્મકતાને પ્રોત્સાહન આપવા માટે વિવિધ પ્રવૃત્તિઓનું સવિશેષ આયોજન કરવામાં આવ્યું હતું.
રાજ્યભરમાં આ કાર્યક્રમ અંતર્ગત ‘સ્વચ્છતા હી સેવા’ પખવાડિયાના ભાગરૂપે રાજ્યના બાળ સંભાળ ગૃહોના કિચન, ક્લાસરૂમ અને ડોરમેટરીમાં સ્વચ્છતા અભિયાન હાથ ધરવામાં આવ્યું હતું. બાળકોમાં પર્યાવરણ પ્રત્યે સંવેદનશીલતા વધે તે માટે વૃક્ષારોપણ કાર્યક્રમનું આયોજન કરવામાં આવ્યું હતું. આયોગના પ્રતિનિધિઓ દ્વારા બાળકોને તેમના અધિકારો અને જવાબદારીઓ વિશે માહિતગાર કરવામાં આવ્યા હતા.
AMAના નવા પ્રમુખ રાજીવ ગાંધી | GPSC current affairs
અમદાવાદ મેનેજમેન્ટ એસોસિએશન (એએમએ)ની 68મી વાર્ષિક સામાન્ય સભા 27 સપ્ટેમ્બર, 2025ના રોજ યોજાઈ હતી. આ પ્રસંગે એએમએના નવા હોદ્દેદારોની ટીમની પસંદગી કરવામાં આવી.
રાજીવ ગાંધી, મેનેજિંગ ડિરેક્ટર અને સીઈઓ – હેસ્ટર બાયોસાયન્સિસ લિમિટેડ અને એરોટ્રાન્સ, એએમએના પ્રમુખ તરીકે નિયુક્ત થયા.
મોહલ સારાભાઈ, મેનેજિંગ ડિરેક્ટર – અંબાલાલ સારાભાઈ એન્ટરપ્રાઇઝ લિમિટેડ, એએમએના ઉપપ્રમુખ તરીકે નિયુક્ત થયા.
👉 If you want to practice Praajasv Foundation‘s today’s Current Affairs MCQs in Gujarati 01 October 2025 with MCQs, then click here
👉 If you want to read Praajasv Foundation’s Current Affairs Gujarati 30 September 2025, then click here
આવા જ દરરોજના કરંટ અફર્સ વાંચવા માટે અહીં , અહી ક્લિક કરો
ઓગસ્ટ મહિનાના તમામ મહત્વપૂર્ણ કરંટ અફર્સ એક જ જગ્યાએ વાંચવા માટે, અહી ક્લિક કરો
[Prepare with confidence at Praajasv Foundation – Best GPSC Coaching in Gujarat for complete guidance.]
[Secure your dream career with Best IAS Coaching in Gujarat at Praajasv Foundation.]